8/08/2008

08.08.08 - 08:08 PM

ဒီနေ့ ...
( ၈ )ရက် ( ၈ )လ ( ၂၀၀၈ )ခုနှစ် .. ( ၈ )နာရီ ( ၈ )မိနစ် ..
ဘာရယ်တော့ မဟုတ်ပါဘူး ..
အမှတ်တရလေးဖြစ်သွားအောင်ပါ ..
တခြားသူတွေအတွက် .. ဘယ်လို အဓိပ္ပါယ်ရှိမယ်တော့မသိဘူး
ကျွန်တော့်အတွက်တော့ ..
အမှတ်တရ သက်သက်ပါ ..
တကယ်တော့လည်း နေ့ရက် .. အချိန်နာရီ .. တွေဟာ အမြဲတမ်း မရမ်းမနား ပြောင်းရွေ့သွားနေတာပါ ..
မြတ်စွာဘုရားကိုယ်တော်တိုင်က အရာတိုင်းဟာ သင်္ခါရ ပဲလို့ ဟောမိန့် ခဲ့ဖူးတာ ..
ဒါပေမယ့်လည်း တချို့ .. အချို့ .. အရာတို့ဟာ .. မပြောင်းလဲသေးပါဘူး ..
အဲဒီလို မပြောင်းလဲနိုင်သေးတဲ့ အကြောင်းအရာတွေထဲမှာ ကျွန်တော်က ထိပ်ဆုံးကပါ ..
မကြာခင် ရက်အနည်းငယ်အတွင်းမှာ ခရစ်သက္ကရာဇ်အရ ကျွန်တော့် အသက်(၂၉)ပြည့်တော့မှာပါ ..
ဒါပေမယ့်လည်း ကျွန်တော့်ရဲ့ ဘ၀မှာ ဘာတွေဖြစ်လာပြီလဲ .. ဘာတွေဖြစ်နေပြီလည်း .. ဘာတွေပြောင်းလဲနေလဲ..
သူငယ်ချင်းတစ်ယောက်က ပြောဖူးတယ် .. အသက်(၃၀)ပြည့်ပြီး ယောက်ျားတစ်ယောက်ရဲ့ ဘ၀မှာ
ဘာတစ်ခုမှ အောင်မြင်မှု မရှိသေးဘူးဆိုရင် အဲဒီယောက်ျားက အလားကားပဲတဲ့ ..
ကျွန်တော် ဘာတစ်ခုမှ မပြောင်းလဲသေးပါဘူး .. တစ်နည်းအားဖြင့် .. ကျွန်တော် မအောင်မြင်သေးပါဘူး ..
ကျွန်တော့် ဘ၀မှာ ဘာမှ ဖြစ်မလာသေးပါဘူး ..
ကျွန်တော်ဟာ အလကားကောင်ပါ ..
အချိန်တွေ .. နေ့ရက်တွေ .. နှစ်တွေ .. နှမျောဖို့ကောင်းလိုက်တာ ..
အလကားသက်သက် ကုန်ဆုံးနေရတာ .. ဘယ်လိုမှ ပြန်မရနိုင်တဲ့ ဆုံးရှုံးခြင်းတွေ ..
ကျွန်တော် ဘာကြောင့် မအောင်မြင်ရတာလဲ .. ဘာလို့ ကျွန်တော့် ဘ၀ မှာ ဘာမှ ဖြစ်မလာသေးတာလဲ ..

သူငယ်ချင်းတို့ရော .. ဘယ်အသက်အရွယ်တွေ ရောက်နေပြီလဲ .. အောင်မြင်နေပြီလား .. ဘ၀မှာ ဘာတွေ ဖြစ်နေပြီလဲ .. တော်ပြီလား .. ဒီဘ၀ ဒီမျှနဲ့ ကျေနပ်လို့ရပြီလား ..
ဘာကြောင့်လဲ ဆိုတာ အဖြေရှာလို့ရပြီလား ... အဖြေရပြီဆိုရင် ကြိုးစားကြပါ ..
အချိန်တွေ နှမျောဖို့ကောင်းပါတယ် .. အချိန်တွေ အလကားဖြစ်ကုန်ပြီ ..

ဒီနှစ် ( ၈ )ရက် ( ၈ )လ ( ၂၀၀၈ )ခုနှစ်ပြီး .. နောက်နှစ် ( ၉ )ရက် ( ၉ )လ ( ၂၀၀၉ )ခုနှစ် ဆိုရင်
ကျွန်တော့် အသက်(၃၀)ပြည့်ပြီးပါပြီ .. ပြောင်းလဲလာဦးမှာလား ..
ဒီလိုနဲ့ပဲ သက္ကရာဇ်တို့ကို မျက်နှာပြောင်တိုက်ပြီး ကျော်သွားရဦးမှာလား ...

နှစ်စဉ်နှစ်တိုင်း ဒီလို နေ့ရက်တို့ကို အမှတ်တရအနေနဲ့ပဲ ပြီးဆုံးတော့မှာလား ...

No comments: