6/14/2008

ကလေးငယ်လေး ကျွန်တော် ...

ဟိုတုန်းက ဆိုခဲ့ဖူးပါတယ် ..
`` စားချိန်မှာ ပြန်စားပါ .. အိပ်ချိန်မှာ ပြန်အိပ်ပါ .. အပူပင် ကင်းတဲ့ ကလေးလေး ဘ၀ကို တစ်ခါပြန်ပြီး ရောက်ချင်သေးတယ် ´´ ဆိုတဲ့ သီချင်းလေး ...
ကျွန်တော် အခု ကလေးဘ၀ ကို ပြန်ရောက်နေရပြီ ..
သူများတွေက ကျွန်တော့ ဘ၀ကို အားကျတယ်တဲ့ .. ကျွန်တော့ လိုနေချင်တယ်တဲ့ ..
ဘာဖြစ်လို့လဲဆိုတော့ ...
အခု ကျွန်တော်လုပ်နေတဲ့ အလုပ်က အင်တာနက်နဲ့ ပတ်သက်တယ် ..
ဆိုလိုတာက အင်တာနက်လိုင်း ကောင်း/မကောင်း .. နက်ဝပ်လိုင်း ကောင်း/မကောင်း အချိန်တိုင်း ထိုင်ကြည့်နေရတာလေ ..
တစ်နည်းအားဖြင့် .. ၀က်ဆိုဒ်ကြည့်လိုက် .. ချက်တင်ထိုင်လိုက် .. မေးပို့လိုက် .. ဘလော့ရေးလိုက် ပေါ့ဗျာ ..
သူများက ဘာလုပ်လဲမေးရင်တော့ S.A.E လုပ်တယ်လို့ ပြောလိုက်တာပဲ .. တချို့ကတော့ အဲဒါဆိုရင် အထင်ကြီးတယ် .. အင်ဂျင်နီယာလားတဲ့ ...
ကျွန်တော်လုပ်တာက . Sleep And Eat လေ
ကျွန်တော့ရဲ့ နေ့စဉ်အလုပ်က
မနက်အိပ်ယာနိုးတာနဲ့ ဘာညာလုပ် .. ပြီးရင် ဈေးသွား .. ချက်ပြုတ်ကြော်လှော် ...
ပြီးရင် အွန်လိုင်းကိုတက် ... ဆာတဲ့အချိန် ထမင်းထစား .. ပျင်းလာတဲ့အချိန်အိပ် ...
ဒီလိုနဲ့ပဲ နေ့စဉ် နေ့စဉ် ကုန်ဆုံးနေရတာပေါ့ ..
တစ်ခါတစ်ခါ အလုပ်ရှင်သူဌေးရဲ့ သူ့လုပ်ငန်းတွေအကြောင်း .. သူလုပ်ချင်တဲ့ အလုပ်တွေအကြောင်း .. ပြောပြတဲ့အခါ
ကျွန်တော့ အတွက်တော့ ကလေးငယ်ကို ပုံပြင်ပြောပြနေသလိုပဲ ထင်မိတယ် ..
အဲဒါကြောင့် ..
ကျွန်တော်ကတော့ အိပ်လိုက် .. စားလိုက် .. ပုံပြင်နားထောင်လိုက်နဲ့
တကယ်ကို ကလေးငယ်လေးလိုပါပဲဗျာ ..
တစ်ခုပဲ ဆိုးတယ်ဗျာ .. ကိုယ်စားဖို့ကို ကိုယ်တိုင်ချက်နေရတာပဲ ... ထမင်းချက်ပေးမယ့်သူလေးရှိရင် သိပ်ကောင်းမှာပဲ ..
ကျွန်တော်စဉ်းစားကြည့်မိတယ် .
ကျွန်တော့ကို အားကျတယ်ဆိုတဲ့လူတွေ .. ကျွန်တော့လို နေနိုင်ပါ့မလား ..
အချိန်တိုင်း အွန်လိုင်းမှာထိုင် .. ပိတ်ရက်ဆိုတာမရှိ .. နားချိန်ဆိုတာ သီးသန့်မရှိ ..
တစ်ခါတစ်ခါ ပြောမိပါတယ် .. ကျွန်တော်က အလုပ်မရှိဘူး .. ဒါပေမယ့် အလုပ်မအားဘူး လို့
ကိုယ့်ဘ၀ရဲ့ ဟိုး ... အဝေးကြီးကို လှမ်းမျှော်ကြည့်လိုက်ရင် ... ဘာမှကို မမြင်ရပါလား ..
အိပ်ချိန်မှာ ၀င်အိပ်နိုင် ... စားချိန်မှာ ၀င်စားနိုင် ..
ဒါပေမယ့် အပူပင်ကင်းတဲ့ ဘ၀တော့ မဟုတ်ပါလား ..
ဘာပဲဖြစ်ဖြစ် အခုချိန်မှာ ကျွန်တော်က ကလေးငယ်လေးပါပဲ ...

No comments: