ဒီနေ့မှာ ကျွန်တော် ( ၂၉ )နှစ် ပြည့်ပါတယ် ..
ကိန်းဂဏန်းတစ်ခုအနေနဲ့ ကြီးလာတာကလွဲလို့ .. ကျွန်တော့် အတွက် ဘာမှ မထူးပါဘူး ..
အခုထိလည်း ကျွန်တော်ဟာ ဘာမှ မဟုတ်သေးပါဘူး ..
လူတွေကတော့ သတ်မှတ်ကြတာပဲ မွေးနေ့ရယ်လို့ .. ကျွန်တော့်အတွက်တော့ မွေးနေ့က 27.8.1979
ဒီနေ့က ( ၂၉ )နှစ်ပြည့်တဲ့နေ့ ... မွေးနေ့ မဟုတ်ပါဘူး ..
8/27/2008
27.8.2008
8/22/2008
မြန်မာပြက္ခဒိန်
မြန်မာပြက္ခဒိန်မရှိလို့ ဘယ်နေ့တွေရောက်လို့ ရောက်နေမှန်းမသိတဲ့ အဖြစ်တွေကို အတော်ကြာကြာ ကြုံဖူးပါတယ်
အခု BurmeseClassic မှာ တွေ့လို့ ကူးယူတင်လိုက်ပါတယ် ..
၂၀၀၈ ခုနှစ် တစ်နှစ်လုံးစာ ကြည့်ချင်တယ်ဆိုရင်တော့ 2008 Calendar မှာ ၀င်ကြည့်ပါ .
8/20/2008
20082008
အမှတ်တရသက်သက်ပါပဲဗျာ ..
ဒီနေ့ ၂၀ ရက် ၀၈ လ ၂၀၀၈ ခုနှစ် ...
တနည်းအားဖြင့် 20082008 ပါတဲ့ ..
ထူးခြားမှု ဘာရှိလဲတော့မသိဘူးဗျာ ..
ကျွန်တော့်အတွက်ကတော့ ..
ဒီနေ့ အလုပ်အများဆုံးနေ့ပဲ ....
8/17/2008
တောကိုတိုးလို့ တောင်ကိုတက်
လွန်ခဲ့သော (၁၅)နှစ်ကျော်က ဘုရားဖူးကားဖြင့် ဘုရားစုံဖူးရင်း ကျိုက်ထီးရိုးဘုရားကို ရောက်ရှိခဲ့ဖူးပါတယ် .. သူငယ်ချင်းတွေ့နဲ့အတူ မနက်စောစော (၅)နာရီလောက်မှ ကျိုက်ထီးရိုးတောင်ပေါ်ကို စတင်တက်ရောက်ခဲ့ရာ လမ်းတစ်လျှောက်မှာ တက်လိုက် .. မောလိုက် .. နားလိုက် .. ကစားလိုက် .. ပျော်လိုက် .. နောက်လိုက် နဲ့ တရွေ့ရွေ့ .. သွားရင် .. နားရင်း .. စားရင်း နဲ့ နေ့လည်(၁၂)နာရီလောက်မှာ ကျိုက်ထီးရိုးဘုရား ရင်ပြင်ပေါ်ကို ရောက်ရှိခဲ့ပါတယ် .. ကျိုးထီးရိုးဆံတော်ရှင် စေတီတော်မြတ်ကို ရှိခိုးဦးခိုက်ရင်း .. ဆုတွေအမျိုးမျိုးတောင်ခဲ့သလို .. နောင်အခါအခွင့်သင့်ရင် ဆံတော်ရှင်စေတီတော်မြတ်ကို ထပ်မံ ဦးခိုက်ရပါလို၏ လို့ ဆုတောင်းမိပါတယ် ...
ဘုရားစုံဖူးပြီး နောက်ဆုံးမှ ရောက်တာဖြစ်လို့ ခရီးပန်းလာသည်ကတစ်ကြောင်း .. တောင်ပေါ်ခရီးကို ပထမဆုံးအကြိမ်း တက်ဖူးသည်ကတစ်ကြောင်း၊ တောင်ပေါ်တက်ရင်း လမ်းတစ်လျှောက် မိုးရွာလို့ မိုးမိလာသည်ကတစ်ကြောင်း ... အကြောင်းပေါင်းစုံပြီး ကျွန်တော်မှာ ဆံတော်ရှင်စေတီကို ဦးခိုက်လို့လည်းပြီး .. အဖျားတွေတက်ပြီး .. ရင်ပြင်ပေါ်မှာတင် အိပ်ရင်းသူငယ်ချင်းများကို စောင့်နေခဲ့ရပါတယ် .. ကျိုက်ထီးရိုးဘုရားကို ဦးခိုက်မိရုံကလွဲပြီး ဘယ်နေရာကိုမှ မရောက်ခဲ့ဘူး .. ဘယ်မှလည်း မသွားနိုင်ခဲ့ဘူး ...
နေ့လည်(၃)နာရီလောက်မှ အဖွဲ့အားလုံးက ပြန်ဆင်းမှာဖြစ်လို့ ကျွန်တော်လည်း အီလည်လည်နဲ့ ဆံတော်ရှင်စေတီကို နောင်အခါများမှာ အေးချမ်းစွာ ထပ်မံဦးခိုက်ရပါလို၏ လို့ပဲ ဆုတောင်းရင်း ပြန်ဆင်းခဲ့ရပါတယ် ... ဘာကြောင့်မှန်းတော့ မသိဘူးဗျာ.. ပြန်ဆင်းလို့ လမ်းတက်ဝက်လောက်ရောက်တော့ ဖျားနေတာတွေ အကုန်ပျောက် .. လူများတွေ ခရီးပန်းချိန်မှ ကိုယ်က လန်းနေရတယ် .. ညနေ (၆)နာရီကျော် လောက်မှာ တောင်ခြေ ကင်ပွန်းစခန်းကို ပြန်ရောက်ခဲ့ပြီး .. အိမ်အပြန်ခရီးကို စတင်ခဲ့ရပါတယ် .. ပထမဦးဆုံးအကြိမ် ခရီးထွက်ဖူးခြင်းနဲ့ တောင်ပေါ်ဒေသ .. တောင်တက်ခရီးကို စတင် တက်မိခြင်းပါ ...
ဒုတိယအကြိမ်ခရီးစဉ်ကိုတော့ (၂၀၀၃)ခုနှစ်လောက်မှ သွားဖြစ်ပါတယ် .. ဒီခရီးကတော့ အများနဲ့မဟုတ်ဘဲ ညီတစ်ယောက်နဲ့ သီးသန့်သွားတဲ့ခရီးစဉ်ပါ .. ကျိုက်ထီးရိုးတောင်ခြေ ကင်ပွန်းစခန်းကို မနက်စောစောပိုင်း လောက်မှာရောက်ပြီး .. တောင်ပေါ်ခရီးကိုတော့ ကားနဲ့တက်ဖြစ်ပါတယ် .. နေ့လည်ပိုင်းလောက် တောင်ပေါ်ရောက်ပြီးတာနဲ့ တည်းခိုခန်းကိုဝင် .. ရေမိုးချိုးပြီးတာနဲ့ ဆံတော်ရှင်စေတီကို ဦးခိုက်မိပါတယ် .. ည(၁၀)နာရီလောက်ထိ ဘုရားရင်ပြင်မှာပဲနေဖြစ်ပါတယ် .. နောက်နေ့မှာ အနီးအပါးနေရာစုံကို နှံ့အောင်လျှောက်သွားမိပါတယ် .. ဒုတိယတစ်ည ထပ်မံအိပ်ပြီး နောက်နေ့မနက် ဆံတော်ရှင်စေတီကို ဦးခိုက်ပြီး အပြန်ခရီးကိုလည်း ကားနဲ့ပဲဆင်းဖြစ်ပါတော့တယ် ....
ကျိုက်ထီးရိုးစေတီတော်ကို ခြေလျှင်တောင်တက်လမ်းမှ ထပ်မံသွားဖို့ ကြိုးစားသော်လည်း အခုချိန်ထိ မရောက်ဖြစ်နိုင်သေးပါဘူး ..
ဒါပေမယ့်လည်း အခုတစ်ခါတော့ တောင်တက်ခရီးလမ်းတစ်ခုကို (၁၃-၈-၂၀၀ဂ)နေ့မှာ စတင်မိပါတယ် ..
ကျိုက်ထီးရိုးလို ဘုရားဖူးခရီးစဉ်မဟုတ်ဘဲ .. လုပ်ငန်းကိစ္စဖြင့် သွားရတဲ့ တောင်ပေါ်ခရီးစဉ်ပါ ..
ပင်လယ်ရေမျက်နှာပြင်အထက် အမြင့်ပေ (၄၅၀၀)ကျော်မြင့်ပြီး တောင်တက်ခရီးလမ်း( ၇ )မိုင်ကျော်ဝေးပါတယ် ..
မနက်(၇)နာရီလောက် နေအိမ်ကနေ ဆိုင်ကယ်(၂)စီးနဲ့ လူ(၃)ယောက် ရဲ့ တောင်တက်ခရီးစဉ် စတင်ပါတယ် .. မနက်(၉)နာရီလောက်မှ တောင်ခြေကိုရောက်ပါတယ် .. တောင်တက်ခရီးစဉ် မစတင်ခင် တောင်ခြေမှာ ရှိနေတဲ့ စေတီလေးကို ၀င်ရောက်ဦးခိုက်ရင်း ခရီးလမ်းတစ်လျှောက် အဆင်ပြေချောမွေ့ပြီး လုပ်ငန်းကိစ္စတွေ အောင်မြင်စေဖို့ ဆုတောင်းမိပါတယ်...
ပြီးခဲ့တဲ့ရက်များက မိုးက ရက်ဆက်ဆိုသလို ရွာထားတော့ ခရီးစဉ်တစ်လျှောက် ဗွက်ရော .. အိုင်ရော ဖြတ်ခဲ့ရပါတယ် .. ခရီးလမ်းကလည်း အမြဲတမ်းခရီးသွားလမ်းမဟုတ်တော့ .. တောတောင်ထဲမှာ ဖြစ်သလို သွားနေရတာပါ .. မြေပြင်ကလည်း ချော .. တဲ့အပြင် ချိုင့်တွေ ကျင်းတွေနဲ့ဆိုတော့ ပါလာတဲ့ ဆိုင်ကယ်တွေကို တွန်းလိုက် မြှောက်လိုက်နဲ့ .. ဆိုင်ကယ်က လူကို ပြန်စီးတဲ့ ခရီးပါ .. ကံကောင်းတာက ရာသီဥတု သာယာနေတာလေးတစ်ခုပါ ... ခရီးလမ်းတစ်လျှောက်လည်း သွားတဲ့အချိန်ထက် နားတဲ့ အချိန်က ပိုများနေသလိုပါဘဲ .. နေ့လည်(၁၂)နာရီလောက်မှာ ခရီးစဉ်ရဲ့ တက်ဝက်ကျော်ကျော်လောက်ပဲရောက်သေးတဲ့ အပြင် တောင်ကလည်း ပိုမတ်လို့လာပါတယ် .. ဆိုင်ကယ်တွေကို ယူမသွားနိုင်တော့တာနဲ့ တောထဲမှာပဲ ထားခဲ့ရပါတယ် ..
နေ့လည်(၁)နာရီလောက်ရောက်တော့ ပါလာတဲ့ ရေသန့်ဗူး(၅)ဗူးကလည်း (၁)ဗူးပဲကျန် .. အချိန်ကလည်းလွန်လာတော့ ဗိုက်ကလည်း ဆာ .. တော်သေးတာပေါ့ ရိက္ခာအပြည့်အစုံ ယူလာမိပေလို့ .. ခေါက်ဆွဲခြောက်ထုပ်တွေကိုပဲ ဒီအတိုင်းဖောက်စားရင်း .. လ္ဘက်အသားလေးဝါးရင်းနဲ့ ဆာလောင်မှုကို နှစ်သိမ့်ရပြန်ပါတယ် ..
ဒီလိုနဲ့ နားရင်း .. သွားရင်းနဲ့ နေ့လည်(၂)နာရီကျော်လောက်မှ ခရီးလမ်းအဆုံး တောင်ထိပ်ကို ရောက်ခဲ့ပါတယ် ..
ညနေ(၅)နာရီမှာတော့ အပြန်ခရီးကို စတင်ရပါတယ် .. အပြန်ခရီးက လာစဉ်အခါကလို အတက်ခရီးမဟုတ်တော့ အနည်းငယ်သက်သာပါတယ် .. ဒါပေမယ့် တက်စဉ်က တွန်းထိုးပြီး တင်ခဲ့တဲ့ ဆိုင်ကယ်တွေက အဆင်းမှာ သတိထားရပါတယ် .. မြေပြင်ကချောနေတော့ ပိုလို့ သတိထားရတယ် ...
ည(၈)နာရီကျော်လောက်မှ တောင်ခြေကို ပြန်ရောက်ပါတယ် ... တောင်ခြေက စေတီကို ထပ်မံဦးခိုက်ရင်း ခရီးစဉ်တစ်လျှောက် ဘာအန္တရာယ် .. ဘာအနှောက်အယှက်မှ မရှိဘဲ အေးချမ်းအောင်မြင်စွာ ပြန်လည်ရောက်ရှိလာတဲ့အတွက် ဘုရားရှင်ရဲ့ဂုဏ်တော်ကို ကျေးဇူးတင်ချီးမွမ်းမိပါတယ် .. ဒီစေတီလေးကို ရွှေသင်္ကန်းကပ်ရပါလို၏လို့ ဆုတောင်း အဓိဋ္ဌာန်မိတဲ့အချိန်မှာ စေတီမှာရှိနေတဲ့ ခေါင်းလောင်းများစွာထဲက ခေါင်းလေးငယ်လေးတစ်လုံးက ထူးခြားစွာ အသံမြည်လာပါတယ် ... ကြက်သီးများပင်ထမိပြီး သာဓုအကြိမ်ကြိမ် ခေါ်ဆိုမိပါတယ် .. ပြုခဲ့ဖူးသမျှ ကုသိုလ်ကောင်းမှု အစုစုတို့ကိုလည်း အမျှအတန်း ပေးဝေမိပါတယ် ... တောင်ခြေရောက်မှ ညစာစားရင်းနားရပါတယ် .. ည(၉)နာရီလောက်မှာ အဆုံးသတ်ခရီးကို နှင်ခဲ့တာ ည(၁၁)နာရီကျော်မှ အိမ်ကို ပြန်ရောက်ပါတော့တယ် ..
တစ်နေ့တာ တောင်တက်ခရီးသွားခဲ့ပြီး နောက်နေ့မနက်မှာတော့ လူတစ်ကိုယ်လုံး လှုပ်မရလောက်အောင် နာကျင်ကိုက်ခဲခြင်း ဝေဒနာကို ခံစားရပါတော့တယ် .. (၂)ရက်လောက် ဘာမှ မလုပ်ချင်လောက်အောင် ဖြစ်ခဲ့ရပါတယ် ..
ဘ၀တစ်သက်တာ အမှတ်တရဖြစ်စရာ တောင်တက်ခရီးစဉ်တစ်ခုကတော့ ဒီနေရာမှာပဲ ပြီးဆုံးပါပြီ ..
8/09/2008
တံတား
ကျွန်တော် ဓါတ်ပုံပညာကို စိတ်ဝင်စားတယ် .. ဒီပုံကိုမြင်တော့ ရူးသွပ်သွားတယ် .. ဒီလို အနုပညာမျိုး ကိုယ်တိုင် ဖန်းတီးချင်တယ် ..
Subscribe to:
Posts (Atom)
